It’s BEEN A LONG TIME SINCE I CAME AROUND..

對上一次打原來成5個月前既事 真係遺忘左xanga好耐
都係早幾日上番睇番人地d xanga 搞到心郁郁又想打下
講番呢幾個月做左d咩啦 
首先5月16號開始左實習3個月既生涯
作為一個汁房仔
都學到唔少野其實對以後自己住酒店都有d幫助
知道都係盡量唔好用酒店野用番自己d野
又唔算特別辛苦既 不過周不時遲收工
最勁果次收6點8可以9點3先走
不過之後越黎越多trainee加入
成日一齊遲走有人未搞掂6,7條友沖去幫真係好開心
其實要遲走咪又係因為架死人做房車
朝朝番去周圍跑先跑齊曬d野
番8點結果九點幾先開始汁 想唔遲都難
不過得閒果陣又真係食兩三粒鐘飯
食完飯汁完係房訓下睇下電視
而家竟然有d掛住係酒店做既生活
可惜我果間REGAL古古怪怪 汁房都要18先請
如果唔係番去賺下零用錢都唔錯
所以18歲番學唔太忙既話應該都會番去炒下: )



番完果3個月話地獄唔算地獄話舒服又唔算舒服既INTERN
本身諗住再搵野做  但又懶得番去POPEYES….
加上又係28蚊一個鐘 .. 眼見身邊個個炒散都四十幾五十
就唔係好想番去
所以結果都係係屋企虛渡左成個八月同埋半個九月=.=
去左好多地方洗左好多錢買左好多野….
淨支出零收入既我真係赤曬字


好似講太多關於番工既野 講番d學校既事先
12號開學  幾鬼緊張分去第2班又要識過曬d人
好彩都係原班升番
學費貴左唔少  所以真係下定左決心要讀好佢
唔夠61分要re exam  千幾蚊考一科
除左癲仲有咩可以形容?

未試過為左買演唱會飛走去排隊排兩粒幾鐘
X-JAPAN 真係第一個我會為佢咁做
好期待11月4  隔左差唔多三年既第二次


講開演唱會  9月27去左睇westlife演唱會
真係後悔06年未開始聽佢地d歌
錯過左一次  不過今次去番真係乜都抵番曬
HIGH爆開心爆   兩晚都訓唔著=.=
原來真係會時時刻刻諗番起d畫面
下次黎可能都幾年之後
到時絕對會買最前果d位
真係唔明點解可以狂聽都聽唔厭  
好期待有下次

話咁快今日就10月1號   黎緊又去海洋公園haloween
又大把人生日=.= 睇黎又會大赤字
救命呀快d俾我18歲啦:O)